Одложено е рочиштето против првообвинетиот Бобан Илиќ во случајот со Алмир Алиу. Според информациите на кумановскиот суд, рочиштето кое што требаше да започне во 13 часот, е одложено поради болест на адвокатот на второ, трето и четвртообвинетиот во истиот случај.
Обвинителството го товари обвинетиот Илиќ дека на 25 јуни предминатата година го убил четиригодишниот Алмир Алиу, по претходна банална вербална расправија со таткото на момчето во кумановскиот Здравствен дом.
Осомничениот, се товари дека го прегазил четиригодишниот Алмир на улицата „Борис Кидрич“. За истиот настан против три други лица, инаку, таткото на детето Седат Алиу, Сами Демири и Абдула Алиу е поднесено обвинение за сторено кривично дело „насилство“.
Наредното рочиште е закажано за 6-ти идниот месец.