Кривична пријава за скопјанец за убиството во Чаир

Против 28-годишниот О.А. од Скопје, кој е во бегство, денеска е поднесена кривична пријава за убиството што се случи на 20 декември, минатата година, на ул. Џон Кенеди во Чаир.



Како што соопшти МВР, Секторот за внатрешни работи Скопје, Единица за насилен криминал, по преземени мерки и активности во минатите два месеца, во соработка со Основното јавно обвинителство во Скопје, денеска поднесе кривична пријава против О.А. (28) од Скопје, поради основи на сомнение дека извршил кривично дело –“убиство“ по чл.123 од КЗ на РМ.

- Имено, на 20.12. минатата година околу 17.30 часот на ул.„Џон Кенеди“ во Скопје, пријавениот со употреба на огнено оружје (автоматска пушка марка АК47 калибар 7,62 x 39мм) испукал повеќе проектили кон лицето Б.И. (24) од Скопје, кој подоцна истиот ден од задобиените повреди починал во Ургентен центар „Мајка Тереза“, наведуваат од МВР.

Според документираните сознанија, пред кривично-правниот настан Б.И. имал претходен договор со негови тројца другари да се сретнат на автобуска постојка на ул.„Џон Кенеди“. Кога пристигнале на договореното место, почнале да разговараат, при што по неколку минути на истата улица, но од спротивната страна на коловозната лента пред браварска работилница застанало патничко моторно возило „Југо“ црвена боја од кое излегол О.А. кој во рацете држел автоматска пушка.

Претрчувајќи ја коловозната лента пријавениот се приближил до лицата и без никакво предупредување почнал да пука во правец на Б.И. кој од задобиените повреди паднал на земја крварејќи. По ова пријавениот се вратил во возилото “југо“ и заминал од местото на настанот. Од страна на граѓани веднаш било повикано возило на итна медицинска помош кое го пренело повредениот во ургентен центар „Мајка Тереза“ Скопје каде што од страна на доктор била констатирана смрт.

По започнатата интензивна истрага, во соработка со ОЈО Скопје, беа преземени опсежни мерки и активности за откривање на сторителот, при што набргу по настанот, односно неколку часа подоцна, беше пронајдено возилото “југо“. Возилото по наредба на Јавен обвинител беше подигнато од лице место и предадено за сеопфатна крим-техничка анализа.

Во насока на расветлување на кривичното дело, со наредба на Јавен обвинител обезбедени се видео снимки од поставени видео-надзори во близина на местото на настанот, а беа повикани на информативни разговори триесетина лица во насока на појаснување на околностите на кој начин било извршено кривичното дело.

По претходна наредба од Основен суд Скопје I-Скопје на ден 27.12.2017 година беа извршени претреси во дом и други простории кај пријавениот О.А. на ул.„Џон Кенеди“, како и кај други пет лица сите од Скопје, при што одземени се два мобилни телефонски апарата кои по наредба од Основно јавно обвинителство Скопје – Скопје се доставени во Сектор за компјутерски криминал и дигитална форензика при ЦПС на РМ, а наедно беше извршено и полиграфско тестирање на три лица.

Пријавениот О.А не е достапен на органите на прогон, и за истиот од страна СВР Скопје распишан е централен распис, наведуваат од МВР.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Што е разликата помеѓу Градскиот трговски центар и Светскиот трговски центар во Њујорк.
- Нашиот има 3 ката повеќе.

webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Нормализиран сообраќајот за тешки товарни возила на планинскиот премин Маврово од 07:50 часот. Oд 06:00 часот сообраќајот за ТМВ на патниот правец ,Кичево - Гостивар“ кај...
Верски календар
На денешен ден
1574.- Изби верската војна меѓу француските...
1685.- Во Хале е роден Георг Фридрих Хендл,...
1792.- Умре англискиот сликар Џошуа Рејнолдс,...
1821.- Умре англискиот писател Џон Китс, еден од...