Во Апелација продолжи седницата за жалбите на осудените за Диво насеље

Во Апелацискиот суд во Скопје, со исказ на адвокатите од одбраната, денеска продолжи јавната седница по жалбите на 33-та осудени лица за крвавата престрелка во кумановско Диво насеље.

На јавната седница присуствуваат само тројца од обвинетите, откако останатите вчера доброволно ја напуштија седницата, која имаше тензичен старт со навреди од обвинетите кон судот.

Судската сала во Врховниот суд, која вчера беше пополнета до последно место и со силно полициско обезбедување, денеска е речиси празна. Во судница се само двајца обвинети, кои во првостепена постапка добија ослободителни пресуди и еден осуден на 12 години затвор, спроведен од куќен притвор, како и голем број адвокати, јавност и новинари.

Адвокатот Еленко Миланов, рече дека основна грешка во оваа постапка е во обвинителството и правната квалификација тероризам.

– Неспорен факт е дека имаме страшен настан, но исто неспорен факт е дека ниту како тероризам обвинителството не можеше ова да го докаже. Во Диво насеље полицијата појде да врши претрес по дадени наредби. На тој претрес се пружи отпор. Ова не е акт врз неопределени лица и институции кои не преземаат никакви дејствија. Не можеме тоа да го третираме како тероризам. Не еднаш е извршен оружен отпор на полициски сили, но немало тероризам. Сметам дека обвинителството не докажа акт на тероризам, изјави Миланов.

Посочи дека во текот на постапката се извршени голем број суштествени повреди, но сепак веројатноста да се укине пресудата е во промили.

Претседател на совет е судијката Цветанка Периќ, која на почетокот посочи дека по однос на жалбите најпрво збор ќе има одбраната, а потоа и јавниот обвинител, кој како што нагласи, има жалба само по однос на ослободителниот дел.

Одлуката по жалбите, Апелацискиот судечки совет ја објавува јавно, преку соопштение, неколку дена по завршување на јавната седница.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Весела математика:
Паметен маж+Глупава жена
=романса
Паметен маж+Паметна жена
=афера
Глупав маж+Глупава жена
=дете
Глупав маж+Паметна жена
=шопинг
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Веста се ажурира
Верски календар
На денешен ден
1215.- Англискиот крал Џон ја потпиша Големата...
1752.- Бенџамин Франклин, американски физичар и...
1843.- Во Берген е роден Едвард Григ, норвешки...
1873.- Германскиот археолог-аматер Харнјих...