Пендаровски: Скопје и Белград имаат исти цели и грижи

Србија и Северна Македонија се соседни земји кои немаат отворени прашања, а делат заедничка историја и имаат заедничка цел – членство во ЕУ, истакнува претседателот Стево Пендаровски во интервју за „Политика“ во пресрет на денешната официјална посета на Белград.



– Немаме отворени билатерални прашања, а имаме заеднички цели и грижи, да градиме општества во кои нашите граѓани ќе имаат добар квалитет на живот и во кои младите луѓе нема да се иселуваат и ќе добиваат шанса да успеат дома, вели Пендаровски.

Врските меѓу двете земји, уакажува шефот на државата, не ги градат само институциите, туку и бизнисот, како и многубројните семејни релации меѓу граѓаните од двете земји.

Пендаровски очекува на денешната средба со српскиот претседател Александар Вучиќ да имаат позитивни разговори за многу теми од заеднички интерес, а пред се за политичките, безбедносните и економските прашања.

– Иако Македонија наскоро ќе стане членка на НАТО, а Србија има неутрална политика, двете земји имаат одлична одбранбена и безбедносна соработка, која очекувам да продолжи и во иднина. Како соседи, Србија и Македонија делат заеднички грижи за безбедносното опкружување и имаат многу програми за размена и обука. Имајќи предвид дека стратешка цел на двете земји е членство во ЕУ, соработката во одбраната и безбедноста ќе продолжи и во рамките на европските иницијативи, вели претседателот Пендаровски.

Во однос на иницијативата „Мал Шенген“, посочува дека на тоа не треба да се гледа како замена за членството во европските институции, туку како можност за отстранување на трговските бариери и олеснување на трговијата и движењето на луѓето во регионот.

– Сметам дека треба да се размисли за форматот на иницијативата зашто сегашната структура не ги опфаќа сите земји од Западен Балкан. Во тој контекст може да се отвори прашањето колку иницијативата би функционирала во пракса ако нејзини членки се само три земји. Вклучувањето на повеќе држави нуди подобар просперитет за целиот регион, оценува Пендаровски.

За француското вето за отворање на преговорите за членство во ЕУ, Пендаровски вели дека на неодамнешната средба во Париз францускиот претседател Емануел Макрон добил уверување дека Франција сака да ја види Северна Македонија во ЕУ и оти не нуди алтернатива за членството, но дека мора да се направат реформи во методологијата и да се подобри процесот на пристапување. Макрон изразил подготвеност да ја посети Северна Македонија во првата половина на наредната година за да им ги објасни своите ставови на граѓаните.

-Разговорот со Макрон беше динамичен и претставуваше одлична можност да му ги презентирам нашите аргументи за членство во ЕУ, дека евроинтеграцијата е наша стратешка цел и оти сме подготвени за преговори и со изменета методологија. Скопје во меѓувреме продолжува со реформите и ја чека новата методологија од ЕУ, истакнува претседателот Стево Пендаровски во интервјуто за „Политика“.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Муабетат двајца пријатели во кафана:
- Абе, знаеш дека од една пијачка ме фаќа?
- Ај, шо збориш, од една само???
- Да бе, и тоа обично шестата.

* * *
Прашува едно дете...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај...
Верски календар
На денешен ден
1461.- Во најкрвавата битка во Војната меѓу двете...
1772.- Умре шведскиот филозоф Емануел...
1792.- Умре шведскиот крал Густав Трети, 13 дена...
1809.- Шведскиот крал Густав Четврти мораше да...