Министерот за надворешни работи Оливер Спасовски упати сочувство до неговиот турски колега Мевљут Чавушоглу за разорниот земјотрес во Турција. Османи понуди и помош од македонска страна.
- Земјотресот во јужниот дел на Турција претставува огромна трагедија со многу жртви, повредени и материјална штета која го отежнува справувањето со последиците. Утрово испратив пораки со сочувство до Турција и турскиот народ, преку мојот колега Мевљут Чавушоглу, во кои ја понудив и нашата помош каде што ќе биде потребна, за што веќе се прават подготовки во земјава, напиша Османи на „Фејсбук“.
Во објавата, Османи нагласува дека со Турција имаме блиско и долгорочно партнерство кое почива на длабоката поврзаност на народите на двете земји.
- Нашите мисли се со нашите пријатели, браќа и сестри од Турција, и ние ќе сториме сѐ што е во наша можност за да им се најдеме на пријателите во оваа неволја, напиша Османи.
Сочувство до турскиот народ испратија и претседателот Стево Пендаровски, премиерот Димитар Ковачевски, вицепремиерот за европски прашања Фатмир Битиќи, министерот за внатрешни работи Оливер Спасовски.