Доделени наградите „26 Јули“ на најдобрите шест студентиСкопје, 3 октомври (МИА) - На шесте најдобри студенти во завршната година на студии во учебната 2005-2006 година денеска во Ректоратот на Универзитетот „Св. Кирил и Методиј“ им беа доделени наградите „26 Јули“ од фондацијата „Франк Манинг“ од Велика Британија.
Студентите Кристина Горовска од Филозофскиот факултет, Јулијана Арсова од Филолошкиот факултет, Милка Ракочевиќ од Правниот факултет, Николина Паламидовска од Економскиот факултет, Трајанка Илиева од Факултетот за драмски уметности и Марија Доневска од Архитектонскиот факултет се добитниците на парична награда во од пет илјади денари од Фонадацијата „Франк Манинг“. Наградата „26 Јули“ традиционално се доделува од 1980 година на најдобрите студенти од од областа на архитектурата, општествените науки и уметностите при Универзитетот „Св. Кирил и Методиј“.
Македонија е еднинствевната земја во која фондацијата „Франк Манинг“ доделува награда од ваков тип.
|