Македонија и Луксембург потпишана Договор за социјално осигурување Скопје, 28 ноември (МИА) - Министрите за труд и социјална политика на Македонија и на Луксембург, Љупчо Мешков и Матц Де Бартоломео денеска потпишаа Спогодба за социјално осигурување и Административна спогодба за социјално осигурување.
Како што соопшти Министерството за труд, со Договорот се регулираат пензиско и инвалидско осигурување, повреда при работа и професионална болест, здравствено осигурување (болест и мајчинство), детска заштита и осигурување во случај на невработеност.
Значајно е, нагласува Министерството, што Спогодбата е склучена со земја членка на Европската унија под уставното име на нашата држава.
Мешков и неговиот колега Бартоломео по потпишувањето на Договорот ќе разменат искуства од сферата на трудот и социјалната заштита. Покрај ова, министерот Мешков ќе оствари средба и со директорот на Генералниот инспекторат за социјална сигурност Џорџ Шредер.
|