|
 |
Вести / Македонија
|
|
Зелена парламентарна лоби група: Денот на дрвото е манифестација за 365 дена во годината
Матка, Скопско, 12 март (МИА) - Денот на дрвото нема да биде манифестација само за еден ден - 12 март, туку 365 дена во годината, порачаа претставниците на Зелената парламентарна лоби група денеска на локалитетот Матка каде засадија дрвца.
Членот на оваа парламентарна група, пратеникот Маријан Додовски истакна дека ова е многу значаен ден за Македонија, ден кој треба Република Македонија да ја стави во групата на држави кои се грижат за животната средина, за своето потомство и за глобалните климатски промени. На денешниот ден Македонија во пракса покажа дека ја поддржува поговорката „Мисли глобално, делувај локално“.
- Денеска ќе испратиме силна порака до целиот свет дека Република Македонија, иако е мала земја по површина, сепак, е горда и знае да прави големи дела, рече Додовски.
Пратеничката Лилјана Поповска истакна дека парламентарците денеска засадуваат дрвца за нашата иднина, без разлика на кои партии припаѓаат и на која религија.
- Сите се согласуваме дека ова е вистинскиот начин како да се одработи за Македонија, рече Поповска.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|