|
 |
Вести / Македонија
Велешките пожарникари добија донација од противпожарни друштва од Велика Британија
Велес 9 мај (МИА) - Противпожарната единица од Велес денеска доби противпожарна опрема од противпожарните друштва во Велика Британија, вредна околу 20 илјади евра.
Помошта се состои од едно противпожарно возило „Волво“ со целосна опрема, едно комбе за пренос на компресор за полнење апарати за дишење, компресор за апарати за дишење, 13 метарска и две помали скали за акции за спасување, апарат са спасување во случај на несреќи, униформи, црева и друга опрема, како и еден компјутер.
- Со оваа опрема и знаења што во наредните три недели ќе ги стекнат нашите пожарникари верувам дека ќе бидат постручни, поспособни и поопремени за да спасат многу човечки животи и материјални добра во пожарите и сообраќајни незгоди, рече градоначалникот на Велес Аце Коцевски, заблогодарувајќи им се на донаторите.
Одговорниот за опремата и возилата Џејмс Копли од Велика Британија рече дека ќе ги обучата велешките пожарникари според примерот на кој работат нивните британски колеги.
- Се надевам дека и ние многу ќе научиме од искуствата на македонските пожарникари, додаде Копли.
Помошта се реализира во рамките на проектот „Флоријан“ за донирање на противпожарна опрема, а освен во Велес, се реализира и во Свети Николе, Скопје,Гостивар и Тетово.
|
|
|
|
|
![]() |
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|