|
 |
Вести / Македонија
Да не наседнуваме на грчките провокации
 Овие избори закажани во овој момент сепак предизвикаа пролонгирање на процесот на преговори со Грција барем за одреден период. Ситуацијата на статус кво или период на неслучување ништо на овој план многу повеќе и одговара на Грција, изјави претседателот Бранко Црвенковски, во врска со застојот на преговарачкиот процес меѓу Македонија и Грција што го предизвикаа предвремените избори.
Тој изрази надеж дека по изборите со интензивирање на темпото, Македонија ќе го надмине пропустот.
“Мислам дека некои предвидувања и ветувања на политичките лидери дека ќе дадат се од себе токму во периодот на предизборната кампања да не се дозволи било каков застој во процесот на преговорите во овој момент не дадоа резултати. Јас се надевам дека по изборите со едно интензивно темпо ќе успееме да го надминеме пропустот“ рече Црвенковски.
Црвенковски порача дека не треба да наседнуваме на грчките провокации. “Не треба на нивните погрешни процеси или на нивните провокации да наседнеме. Мислам дека е од взаемен интерес е работите да стивнат и да се воспостави една нормална атмосфера во сите други области посебно во економската област, настрана од преговорите“ рече Црвенковски.
Во врска со неговиот удел во преговорите со Грција, Црвенковски изјави “Треба да продолжат интензивните контакти на оваа тема. Моја заложба беше Нимиц да ја посети Македонија. Меѓутоа, за да се интензивира процесот, не е потребно само моето залагање. Исто такво залагање треба да дојде од страна на институциите во Македонија за да биде единствен ставот на Македонија, од една страна и залагање од Грција, од друга страна“ .
Според него, со предвремените избори и дадовме на Грција изговор да ги одлага преговорите.
|
|
|
|
|
![]() |
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|