|
 |
Вести / Македонија
|
|
Ерван Фуере по вторпат во Гевгелија
Гевгелија, 12 мај (МИА) - Во рамките на Евро кампањата за одбележувањето на Денот на Европа во Гевгелија денеска со воз пристигна евроамбасадорот Ерван Фуере.
На средбата со градоначалникот на Гевгелија Драги Делев, тој размени мислења и информации за прекуграничната соработка, посочувајќи ја користа и бенефитот на општината во користењето на европските претпристапни фондови, особено КАРДС-програмата и ИПА-фондовите.
На прашањето од новинарите Фуере се осврна и на инцидентите во започнатиот изборен процес, оценувајќи ги како „загрижувачки, а секој испукан куршум како насилство“.
- По две години од последните избори во Македонија, очекувам државата да има поголема зрелост да организира фер и демократски избори, зошто ова е мнгу важен тест и дополнителен критериум на земјата за влез во Европската унија, додаде Фуере.
Скорешните инциденти кон македонски граѓани во Грција, евроамбасадорот Фуере ги оцени како изолирани случаи, апелирајќи до двете страни да ги вложат сите можни напори за одвивање на непречен проток на стоки, возила и лица, како и да се зачува средината и условите за понатамошно развивање на овој вид прекугранична соработка.
- Не можам да кажам кога Македонија ќе добие олеснување на визниот режим, но минатата недела министерот за надворешни работи Милошоски ја доби мапата, односно планот кој ќе и помогне на земјата за да добие безвизен режим. Инаку, земајта напреднува кога стануав збор за постигнување на стандардите од страна на ЕУ за безвижен режим. Веќе се издадени 200.000 биометриски пасоши и имате развиен систем на меѓугранична соработка, истакна Фуере.
Работниот дел од посетата на евроамбасадорот Фуере на Гевгелија продолжи со панел-дискусија на тема: „Прекуграничната размена, инвестиции, вработување во еврорегионот“, што се одржа во хотелот „Аполонија“, во присуство на голем број претставници од бизнис-заедницата во Гевгелија.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|