|
 |
Вести / Македонија
|
|
Милошоски: МНР ќе упати протестна нота до Грција
Битола, 12 мај (МИА) - Министерот за надворешни работи на Македонија Антонио Милошоски изјави дека шефот на грчката канцеларија за врски денеска ќе биде повикана во Министерството за да и биде врачена протестна нота во врска со загрозувањето на безбедноста на државјани на Република Македонија кои патуваат во таа земја.
- Една политика на национализам од неколку политичари во Атина создава една националистичка атмосфера која, за жал, кулминира и со вакви инциденти. Амбасадорката на Грција денес ќе биде повикана во Министерството за надворешни работи за да и биде врачена протестна нота во однос на загрозувањето на безбедноста на државјани на Република Македонија при нивни приватни, службени или стопански патувања во Република Грција, рече Милошоски во Битола, кој денеска во рамките на изборната кампања има средби со граѓаните од овој регион.
Сакаме да укажеме, додаде тој, дека за да се развие духот на добрососедство, грчките власти мора да бидат внимателни и да ги преземат сите мерки за да покажат дека се способни на нивната територија, како земја членка на ЕУ, да го применат владеењето на европските правила.
Министерот Милошоски истакна дека во МНР се евидентираат сите атипични појави од страна на Грција кон Македонија и оти за тоа ќе ја известат европската комисија и други надлежни тела во Европската унија.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|