|
 |
Вести / Македонија
|
|
Започна изградбата на Музејот на вода во Градиште
Охрид, 12 мај (МИА) - Музејот на вода во Градиште на Охридското Езеро ќе претставува не само нова туристичка атракција ретка во светот, туку и сведоштво за илјада години старата цивилизација на овие простори, рече денеска претседателот на Владата на Република Македонија Никола Груевски при поставувањето на камен-темелникот за Музејот.
Тој истакна дека според сознанијата и фактите, се работи за напредна цивилизација во тоа време споредена со другите земји и континенти што зборува дека Македонија е древна земја која има што да покаже пред светот, рече Груевски додадавајќи дека „работиме за иднината, но нашата сила и моќ е во минатото и тоа мора да се негува како наша вредност“.
Груевски очекува дека работите на изградбата на Музејот на вода ќе завршат за седум до осум месеци и дека на 8 Декември - Денот на Свети Климент Охридски ќе биде отворен за посетителите.
Директорот на Управата за заштита на културното наследство Паско Кузман рече дека во изминатите осум години се вршени подводни истражувања на овој дел на Охридското Езеро и дека се пронајдени остатоци од наколна населба која датира од бронзеното време од периодот од 1200 до 600 година пред новата ера. Со изградба на Музејот на некогашната наколна населба праисторијата ја враќаме во денешно време, рече Кузман.
Предвидена е изградба на платформа со седум до осум дрвени куќарки, која ќе биде поставена на 900 дрвени колци, а населбата ќе се вика „Мичов Град“ според раководителот на нуркачкиот клуб „Охрид“ Милутин Секулоски - Мичо. Овој дел каде што ќе се наоѓа Музејот на вода ќе биде поврзан со откопаниот Римски логор кој исто така се наоѓа во Градиште во месноста викана Кула.
Почетокот на работите на изградбата на Музејот на вода во Градиште и поставувањето на темелите ги освети отец Димче Георгиевски - Отец Диме од Охридската епархија.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|