Вести / Македонија
Дизелот поскапува за 3,5, а бензините за 1,5 денари по литар
Скопје, 12 мај (МИА) - Од ноќеска на полноќ малопродажните цени на бензините се зголемуваат за 1,50, а на дизелот за 3,50 денари за литар, одлучи денеска Регулаторната комисија за енергетика.
Со оваа Одлука се врши зголемување на рафинериските и на малопродажните цени на нафтените деривати во просек за 4,66, односно за 4,09 отсто.
Новата цена на моторниот бензин МБ-96 ќе изнесува 74,50 денари за литар, ЕУРОСУПЕР-95 ќе се продава за 71,50 , ЕУРОСУПЕР-98 за 72,50, а ЕУРОДИЗЕЛ (Д-Е IV) за 70,50 денари за литар.
Нова цена повисока за три денари по литар има и маслото за домаќинството. Од полноќ Екстра лесното масло за домаќинство (ЕЛ) ќе се продава за 59, а Екстра лесно масло за домаќинство-1 (ЕЛ-1) за 59,50 денари на литар.
За 1,329 денари за килограм се зголемува и малопродажната цена на мазутот М-2 , кој сега наместо 28,709 ќе чини 30,038 денари за килограм.
|
|