|
 |
Вести / Македонија
Словенечки „Туш“ го отвори својот прв маркет во Македонија
Штип, 14 мај (МИА) - Во Штип денеска беше отворен првиот супермаркет на словенечкиот трговски ланец „Туш“.
- Првиот маркет на Туш се простира на 3.000 метри квадратни и вкупната инвестиција е 2,6 милони евра. Супермаркетот во Штип е првиот маркет на македонскиот пазар, а летово планираме да отвориме и во Куманово, а потоа и во другите поголеми градови. Во наредниот период планираме да вложиме 60 милиони евра, рече Александар Светелшек, генерален директор на групацијата „Туш“.
Светелшек потенцираше дека со влезот во Македонија се отвора можност македонските производи да се најдат на словенечкиот пазар.
- Присутни сме и на пазарот во Босна и Србија. Сметаме дека во Македонија е паметно да се инвестира бидејќи тоа е земја која нуди можности и има потреба од странски инвестиции. Словенечките компании се заинтересирани за вложување во Македонија, има позитивна бизнис клима, но проблем е бирократијата, вели Светелшек.
На отварањето на првиот маркет на Туш присуствуваа голем број граѓани на Штип, а во рамките на забавната програма настапија Дуле и Коки и Дани.
|
|
|
|
|
![]() |
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|