|
 |
Вести / Македонија
|
|
Со средства на УСАИД (ПЕП) реновирано основното училиште во Кривогаштани
Скопје, 15 мај (МИА) - Во општина Кривогаштани денеска беше пуштено во употреба реновираното основно училиште „Манчу Матак“, за што средства во висина од 29 илјади долари беа обезбедени преку Проектот за основно образование на УСАИД (ПЕП).
- Во рамки на реновирањето старите прозорци беа заменети со нови енергетско ефикасни прозори. Пред реновирањето, училиштето губеше четвртина од неговото греење преку зима, значајно оптоварувајќи го општинскиот буџет. Оваа заштеда сега може да се инвестира повторно во образованието, се наведува во денешното соопштение од УСАИД.
Директорката на училиштето Роза Бурнеска на свеченоста по повод пуштањето во употреба на реновираното училиште истакна дека конечно учениците ќе имаат училишна средина каква заслужуваат. - Сега тие можат да учат повеќе и да постигнат подобри резултати. Со имплементирањето на овој проект, ние инвестираме во иднината на нашите деца. Сакам да им се заблагодарам на американскиот народ и УСАИД за нивната поддршка, рече Бурнеска.
Реновирање на училиштата, една од компонентите на Проектот за основно образование на УСАИД (ПЕП) го поддржува создавањето подобри услови за учење и децентрализација на училишните објекти во локалната власт. Проектот исто така работи на зголемување на пристапот и користењето на информатичката технологија и на подобрување на квалитетот на наставата по математика и природни науки во основните училишта во Македонија. УСАИД/ПЕП планираат да инвестираат над три милиони долари за реновирање на повеќе од 100 училишта низ Македонија.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|