„Среде“, нова поетска книга на Ристо Лазаров
Скопје, 16 мај (МИА) - Издавачката куќа „Блесок“ ја објави поетската книга на Ристо Лазаров „Среде“. Книгата е конципирана во седум циклуси, од кои секој содржи по седум песни. Секоја од песните, пак, е напишана во седум строфи со по три стиха.
- Оваа строга стилизираност во формата, која само на прв поглед е ограничувачка, е всушност рамката во која мајсторот на зборот ги слика како своите така и светските немири, рамка во која прашува и над која се замислува. Во својата осумнаесеттата книга, Лазаров пишува за љубовта, отелотворувајќи Ерос во кој нема место за класичните и здодевните уфкања и туфкања, напротив, лиризмот на Лазаров е инвентивен, силен, енергичен, и – без оглед на неговата возраст, или можеби токму поради неа? – младешки свеж, се наведува во рецензијата на издавачот на „Среде“.
|