|
 |
|
Вести / Македонија
|
|
Австриската Стеирмаркиш ја купува Инвестбанка?
Македонска берза соопшти дека Инвестбанка објавила ценовно чувствителна информација, според која обелоденува дека е во преговори со Стеирмаркиш Банкуд Спаркасен, за австриската банка да купи пакет акции со кој ќе има стратешка контрола. Цената по која се нудат акциите е 151 евро по акција. Вкупната вредност пак е во износ од 38.5 милиони евра.
Стеирмаркиш е основана во 1825 година со седиште во Грац, Австрија. Таа е втор најголем член на Аустриан Савингс Банкс Гроуп управувана од Ерсте Банк АГ, која има 25 отсто од Стеирмаркиш. Заклучно со 31 декември, лани, Стеирмаркиш има вкупно средства во износ од околу 12.2 милијарди евра, 170 експозитури и околу 1.650 вработени во Австрија.
Банката има значително учество во југоисточна Европа. Од земјите во регионот, активна е во Босна и Херцеговина, Хрватска, Црна Гора, Србија и Словенија со околу 245 експозитури и околу 3.500 вработени.
Инвестбанка е основана во 1992 година со седиште во Скопје. Таа е супер котирана на Македонската Берза на Хартии од Вредност. Заклучно со 31 декември, лани, Инвестбанка има вкупно средства во износ од околу 105 милиони евра, со 21 експозитура низ земјата и над 150 вработени.
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|