|
 |
|
Вести / Македонија
|
|
Стартуваше кампањата „Излези да гласаш“ предводена од истоимената Коалиција на граѓански организации
Скопје, 16 мај (МИА) - По повод престојните парламентарни избори кои треба да се одржат на 1 јуни, на плоштадот „Македонија“ денеска официјално започна кампањата „Излези да гласаш“ која се одвива во рамките на активностите на истоимената Коалиција на граѓански организации.
- Целта на коалицијата е преку медиумска кампања и директни средби да им се објасни правото на глас на граѓаните и да ги мотивираме да гласаат. Коалицијата ќе се насочи единствено кон едукација за правата на грѓаните во текот на изборниот процес, рече Елена Димчева, член на организацијата.
Таа додаде дека изборот е целосно индивидуално право на секој граѓанин поединечно, заштитен со бројни домашни и меѓународни акти.
- Со оваа кампања, Коалицијата на граѓани „Излези да гласаш“ се надева дека ќе придонесе за развојот на демократската свест и политичката култура, додаде Димчева.
Таа најави и емитување на два информативни спота во медиумите, како и нивни активисти брендирани со специјални капи и маици со нивното лого кои ќе делат флаери и ќе лепат плакети низ целата земја.
Формирањето на оваа коалиција е иницирано од повеќе активни граѓански организации во Република Македонија, во која во моментов членуваат околу 100 организации, и истите ја потпишале Декларацијата за пристап во Коалицијата „Излези да гласаш“.
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|