|
 |
Вести / Македонија
Црвенковски не ги потпишува решенијата за именување амбасадори во Индија и Израел
Скопје, 3 јули (МИА) - Министерството за надворешни работи на Република Македонија денеска преку соопштение изразува изненаденост од одлуката на претседателот Бранко Црвенковски да не ја одобри постапката за акредитирање на Петар Јовановски и Пајо Авировиќ за вонредни и ополномоштени амбасадори во Индија, односно Израел, предлози кои Владата едногласно ги прифатила, заради тоа што кога предлозите му биле соопштени тој немал никакви забелешки.
- МНР чувствува потреба да ја информира јавноста, а воедно и да го потсети господинот Црвенковски дека уште пред објавувањето на предлозите за поставување амбасадори во Њу Делхи и Тел Авив, министерот Милошоски лично го информираше Претседателот, при што од страна на шефот на државата не беа изнесени никакви забелешки за именувањето на двајцата професионални дипломати за амбасадори. Затоа, не можеме да ја разбереме ваквата реакција, посебно што е противречна на заложбите за професионална дипломатија. Амбасадорите Петар Јовановски и Пајо Авировиќ доаѓаат од редот на професионалните дипломати на МНР со долгогодишно искуство кое е од исклучителна важност во моментите кога Македонија ја проширува својата дипломатска мрежа во Индија и Израел, се вели во денешното соопштение од МНР.
Министерството за надворешни се надева дека Претседателот на Република Македонија „ќе го исправи ваквиот пропуст и ќе стави потпис на указите за акредитирање на професиналните дипломати за Амбасадори на Република Македонија во Индија и Израел, ставајќи ги во прв план државните интереси“.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|