|
 |
Вести / Македонија
Милошоски не ја испочитува процедурата
 Скопје, 3 јули (МИА) - Кабинетот на претседателот на Република Македонија Бранко Црвенковски реагирајќи на соопштението од Министерството за надворешни работи во кое се тврди дека тој не сакал да ги потпише решенијата за именување на Петар Јовановски за амбасадор во Индија и на Пајо Авировиќ за амбасадор во Израел, истакнува дека тоа е направено поради тоа што во случајот бил прекршен Законот за именување амбасадори.
- Имено, член 37 од Законот, јасно укажува дека „врз основа на претходна усогласеност меѓу претседателот и министерот за кандидат за амбасадор, постапката за именување на амбасадор на Република Македонија ја поведува министерот, кој до Владата доставува предлог за именување амбасадор“. Во конкретниов случај, од страна на Владата е донесена одлука за именување амбасадори, без претходно да е испочитувана и спроведена законската процедура во делот на утврдување кандидати со усогласување на ставовите меѓу претседателот на државата и пинистерот за надворешни работи, се вели во соопштението од кабинетот на претседателот Црвенковски.
Оттаму истакнуваат и дека во текот на вчерашниот ден претседателскиот кабинет за ова го известил кабинетот на министерот за надворешни работи.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|