|
 |
Вести / Македонија
|
|
Три институции добија признанија за добро управување
Скопје, 3 јули (МИА) - Во рамки на проектот „Проценка на потенцијалот за добро управување во Македонија“ на Фондација институт отворено општество Македонија (ФИООМ), денеска им беа доделени признанија за добро управување на три институции, соопшти Царинската управа.
Од пријавените 26 институции, признанија добија Царинската управа на Република Македонија во категоријата органи на државната управа, општината Велес во категоријата единици на локална самоуправа и Агенцијата за супервизија на капитално финансирано пензиско осигурување (МАПАС) во категоријата останати органи на државната управа односно организации на централно ниво.
Критериуми за избор на конкурсот беше оценката на степенот на професионалност, ефикасност, стручност и обука на администрацијата, вработување на администрацијата, владеење на правото, транспарентност, отчетност, јавни набавки, финансиски менаџмент и контрола. Оценката за исполнување на критериумите ја вршеше петчлена Комисија врз основа на пополнети прашалници од страна на институциите пријавени на конкурсот, како и според евалуација на дополнителни критериуми.
Институциите кои добија признанија за добро управување, доставија и предлог - проекти до ФИООМ поврзани со доброто управување, при што беа одобрени проектот за воведување електронско учење поднесен од Царинската управа, проектот за промоција на корпоративна општествена одговорност за подобрување на околината преку партиципативно учество на заедницата поднесен од општина Велес и проектот за зајакнување на капацитетите на човечките ресурси поднесен од МАПАС.
По доделувањето на признанијата, беа изнесени и заклучоци со насоки кон кои треба да се стремат институциите во државата со цел подобрување и постигнување на што поголеми резултати на полето на доброто управување. Беше истакнато дека се потребни зајакнување на интерната и комуникацијата на институциите со надворешни субјекти, поголеми внатрешни процедури за заштита од судир на интереси, можност за добивање повратна информација од корисниците на услугите од институцијата, како и зајакнување на системот за собирање податоци за имотната состојба на вработените во институциите.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|