|
 |
Вести / Македонија
|
|
Реакција на Кабинетот на претседателот на државата на тврдењата од МНР за назначувањата амбасадори во Индија и Израел
3 јули
Во врска со неточностите наведени во соопштението на Министерството за надворешни работи во кое се тврди дека Претседателот на Република Македонија одбива да ги потпише решенијата за именување на амбасадори во Индија и во Израел, Кабинетот на Претседателот на Република Македонија, Бранко Црвенковски информира:
- Кабинетот на Претседателот на Република Македонија, вчера, на 2 јули 2008 година, по повод предлозите на Владата на Република Македонија за поставување амбасадори, го извести Кабинетот на Министерот за надворешни работи за следново:
Со предлозите од Владата на Република Македонија за поставување на Петар Јовановски за вонреден и ополномоштен амбасадор на Република Македонија во Индија и на Пајо Авировиќ за вонреден и ополномоштен амбасадор на Република Македонија во Израел, е прекршена постапката од Законот за надворешни работи за именување амбасадори.
Имено, член 37 од законот, јасно укажува дека "врз основа на претходна усогласеност меѓу Претседателот и Министерот за кандидат за амбасадор, постапката за именување на амбасадор на Република Македонија ја поведува Министерот, кој до Владата доставува предлог за именување амбасадор.
Во конкретниов случај, од страна на Владата е донесена одлука за именување амбасадори, без претходно да е испочитувана и спроведена законската процедура во делот на утврдување кандидати со усогласување на ставовите помеѓу Претседателот на државата и Министерот за надворешни работи.
Кабинет на Претседателот на Република Македонија
_________________________________________________________________________________
МИА овие текстови ги објавува во интегрална и оригинална форма и не е одговарна за нивната содржина, ниту за евентуалните правописни недоследности или печатни грешки.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|