|
 |
Вести / Македонија
|
|
Православните верници масовно го прославија празникот на „Свети Наум Охридски - чудотворец“
Охрид, 3 јули (МИА) - Повеќе од десет илјади граѓани на Охрид, околните градови, од соседните држави, но и Македонци од дијаспората ноќеска и денеска го посетија манастирот „Свети Наум Охридски - чудотворец“ за по традиција да го одбележат празникот посветен на овој голем православен светец.
Посетителите палеа свеќи и принесуваа дарови на гробот на светецот за кој преданието говори дека имал чудотворна исцелителска моќ.
Покрај православните христијани манастирот го посетија и припадници на други конфесии како муслимани, католици и припадници на други помали верски групи.
Утрово, по повод празникот во манастирот „Свети Наум“ се одржа свечена литургија со која чиноначалствуваше митрополитот дебарско-кичевски г.Тимотеј во сослужение со митрополитот брегалнички г.Агатангел.
Покрај монашката и просветителската дејност, за Свети Наум се верува дека најмногу време одвојувал за да им помогне на болните и беспомошните.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|