|
 |
Вести / Македонија
Затворски казни за судија од Виница и заменик јавен правобранител од Кочани
Штип, 3 јули (МИА) - Судскиот кривичен совет од судот во Штип на виничкиот судија Методи Гоцевски му одреди казна затвор од една година, а на заменик јавниот правобранител од Кочани Јордан Данилов осум месеци, бидејќи ја злоупотребиле својата службена должност.
Гоцевски како судија во Основниот суд во Виница донел одлука, Петруш и Киро Карчови од истиот град противправно да се стекнат со имот, кој бил во сопственост на државата. Судијата без да ги изведе доказите и само на дадени искази од сведоците на семејството Карчови им обезбедил имот вреден 1.652.150 денари, кој се состои од ливади и шуми во атарот на селото Лаки.
Заменик јавниот правобранител од Кочани и покрај тоа што знаел за одлуката на судијата во првиот случај не поднел жалба, а во вториот поднел, но од непознати причини ја повлекол, па одлуката на судијата станала правосилна. Во овој случај Република Македонија е оштетена поради што е упатена на натамошна постапка за барање на отштета.
На денешното изречување на пресудата не беа присутни ниту поранешниот судија од Виница, ниту заменик јавниот правобранител од Кочани, кој сега е во пензија.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|