|
 |
Вести / Македонија
|
|
Честитка од премиерот Никола Груевски до претседателот Џорџ Буш по повод Денот на независноста на САД
3 јули
Претседателот на Владата на Република Македонија м-р Никола Груевски денеска, по повод 4 Јули - Денот на независноста на Соединетите Американски Држави на претседателот Џорџ Буш му упати честитка со следната содржина:
„Почитуван г-не Претседател,
По повод Националниот празник на Вашата држава, Денот на независноста на Соединетите Американски Држави, дозволете ми, во мое лично име и во името на Владата на Република Македонија, да Ви упатам срдечни честитки и искрени желби за просперитет на Соединетите Американски Држави, како и благосостојба на пријателскиот американски народ.
Ја користам оваа свечена пригода да го истакнам задоволството од исклучително позитивниот развој на односите помеѓу нашите две држави, кои го потврдуваат традиционалното пријателство и стратешко партнерство што заемно не поврзува. Истовремено, би сакал да го изразам моето цврсто уверување дека во претстојниот период стратешкото партнерство помеѓу нашите земји ќе бележи натамошно интензивирање и зголемена динамика во сите области од заемен интерес. Република Македонија, како млада демократија е горда што споделува иста визија, вредности и принципи со Соединетите Американски Држави и што во иднина, заедно со Вашата земја, продолжуваме да работиме на заштита на глобалниот мир и слобода.
Воедно, дозволете ми да ја искажам мојата благодарност за досегашната цврста и принципиелна американска поддршка на заложбите на Република Македонија за интегрирање во Евро-атланските структури, која се надевам ќе продолжи и во иднина, особено во рамките на НАТО Алијансата. Посебно би сакал да Ви се заблагодарам за Вашиот личен, несебичен и искрен ангажман за интересите на Република Македонија, што во континуитет го правите, а што граѓаните на мојата земја високо го ценат и почитуваат.
Со такво убедување, упатувајќи Ви ги моите искрени желби за Ваше добро здравје, лична среќа и натамошна успешна работа, Ве молам, Ваша Екселенцијо, примете ги изразите на моето високо почитување.
Нека Господ Ве благослови Вас, Вашето семејство и Соединетите Американски Држави.“
ВЛАДА НА РЕПУБЛИКА МАКЕДОНИЈА
Сектор за односи со јавноста
_________________________________________________________________________________
МИА овие текстови ги објавува во интегрална и оригинална форма и не е одговарна за нивната содржина, ниту за евентуалните правописни недоследности или печатни грешки.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|