|
 |
Вести / Македонија
Девет лица поврдени во оружен напад во Радуша
 Скопје, 4 јули (МИА) - Девет лица се повредени во оружениот инцидент што се случи синоќа во 23.45 часот пред чајџилница во скопското село Радуша.
Министерството за внатрешни работи го потврди настанот, појаснувајќи дека пред чајџилницата во сопственост на М.С. од Радуша, лицата Р.С., С.С., М.С., Е.С. и В.С. сите од истото село, пукале од ловна пушка, пиштол и автоматска пушка кон 25-годишниот Б.А.. Според жители на село Радуша, Б.А. е син на пратеникот Рафиз Алити од ДУИ.
Со две возила напаѓачите пристигнале пред чајџилницата и отвориле оган кон Б.А. кој во тој момент стоел пред неа. При тоа, покрај Б.А., повредени се и други лица кои во тој момент биле пред или во чајџилницата.
Во оружениот напад повредени се и Р.А (54), З.Т (46) Н.М (47) М.Р (53) Ј.Р (44) Б.Ф. (36) и Џ.С. сите од Радуша. Од огнено оружје повреден е и С.С., кој бил заедно со напаѓачите. Повредените се пренесени и задржани на лекување во Воената и во Градската болница во Скопје.
На местото на настанот, во присуство на истражен судија и јавен обвинител, извршен е увид и се преземаат мерки за пронаѓање на лицата и целосно расчистување на случајот.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|