|
 |
Вести / Македонија
|
|
Обука за бранители во судски процеси за заштита на човековите права поддржана од ОБСЕ
Скопје, 4 јули (МИА) – Заштитата на човековите права и придржувањето до меѓународните стандарди во таа област е тема на обуката за околу 30-тина адвокати од Македонија, што денеска почна во Струга, на иницијатива на Адвокатска комора, а со поддршка на Набљудувачката мисија на ОБСЕ во Скопје.
Како што соопшти Мисијата на ОБСЕ, целта на тридневната обука е како адвокатите подобро да ги применуваат членовите 5 и 6 од Европската конвенција за човекови права, како и меѓународните стандарди за фер судење.
- Законите стануваат се посложени, а секој адвокат-бранител мора да го надгради неговото знаење и да ги унапреди професионалните вештини со цел на клиентите да им обезбеди што подобри услуги, рече на отворањето на обуката Холгер Хембах, директор на Програмата за реформа на судството во Одделот за владеење на правото на Мисијата на ОБСЕ во Скопје.
Според Ненад Јаничевиќ, претседател на Адвокатската комора, само добро обучен правник може соодветно да одговори на професијата бранител и да осигури силна и квалификувана одбрана.
- Една од нашите главни цели е градење на ефикасни механизми за образование, коишто постојано ќе ги унапредуваат техниките на адвокатите за бранење, етичките стандарди и знаењето на правото, рече Јаничевиќ.
По завршувањето на обуката, бранителите ќе ги споделат знаењата со нивните колеги преку серија на 12 еднодневни регионални работилници.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|