|
 |
Вести / Македонија
„Пророкот на поетите“ од Саед Гоуда на македонски јазик, во издание на „Макавеј“
Скопје, 4 јули (МИА) - „Пророкот на поетите“ е насловот на книгата поезија од египетскиот поет, романсиер, есеист и антолог Саед Гоида што деновиве ја објави издавачката куќа „Макавеј“.
Едицијата содржи 34 песни одбрани и препеани од англиски јазик од македонскиот поет и романсиер Трајан Петровски. На шеесетина страници изборот ги третира египетската духовна и љубовна тематика.
Со „Пророкот на поетите“ Саед Гоуда по првпат им се претставува на македонските читатели.
Саед Гоуда (Ел Саед Гоуда Ибрахим) е роден во Каиро во 1968 година и дипломирал кинеска филологија. Автор е на три книги поезија на арапски јазик, објавени во Каиро („Чад од љубов", „Тажните прашања на Касандра", „Меѓу скршениот сон и надежта"), на романот „Еднаш во Каиро“ и на голем број преводи од и на арапски, кинески и англиски јазик. Има издадено Антологија на современата египетска поезија на англиски и на кинески јазик, како и Антологија на современата кинеска поезија на арапски јазик.
Од 1992 година живее и работи во Хонг Конг. Се занимава со издавачка дејност. Издавач е на тријазичниот веб сајт наречен „Арабик Надвах". Од април 2004 година организира Месечен литературен салон. Раководи со издавачка куќа во која претежно објавува арапска литература на англиски и на кинески јазик. Неговите дела се преведувани на кинески, англиски и други јазици.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|