|
 |
Вести / Македонија
|
|
Егејските Македонци задоволни од отворањето на нивното прашање
Скопје, 4 јули (МИА) - Прашањето со името е параван на грчката Влада, а во суштина таа се плаши од поставувањето на прашањата кои се поврзани со правата на Македонците од Егејска Македонија, истакна претседателот на Организацикиот одбор на Светската средба на децата бегалци Георги Јановски по дееншната средба во Владата со премиерот Никола Груевски.
Тој смета дека отворањето на прашањето за имотите на Македонците од Егејскка Македонија е голем настан и оти со него по многу децении е направен огромен исчекор.
- Очекуваме наскоро Парламентот да ја усвои резолуцијата за заштита на жртвите од граѓанската и антифашистичката војна. По нејзиното усвојување од новиот парламентарен состав ќе имаме целосна слика за еден напор што македонската држава треба да го направи за остварување на тие права, кои се одземени од страна на грчката Влада. Тука се прашањата на државјанството, одземеното државјанство, прашањето на имотите и ред други прашања кои што сметаме досега не беа поставени пред грчката Влада, додаде Јановски.
Од отворањето на ова прашање од страна на Владата задоволен и Ставре Џиков, член на Организацискиот одбор на Светската средба на децата бегалци.
- Македонците од Егејска Македонија бе апринудени да ги остават своите родни огништа и својот имот и пред тоа Европа едностравно не може да ги затвори очите, рече Џиков.
На средбата со премиерот Груевски присуствувале претставници на сите здруженија на децата бегалци од Егејска Македонија кои го информирале за манифестацијата што ќе биде одржана на 18-ти овој месец.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|