|
 |
Вести / Македонија
|
|
МВР Билтен
Скопје, 4 јули (МИА) - Полициската станица Неготино поднесе кривична пријава против И.В.(35) од скопското село Грчец за сторено кривично дело „подведување и овозможување полови дејствија“.
На 03.07.2008 година И.В. телефонски се договорил со 15 годишно девојче од Неготино за средба, а потоа на влезот од градот го качил во товарно моторно возило, ветувајќи му дека ќе го вработи. Тие се упатиле кон Скопје, но во близина на Стоби И.В. извршил полови дејствија врз девојчето.
Полициската станица Неготино поднесе кривична пријава против Н.Н.(57), судија во Основниот суд Неготино и Н.Д.(45) од Велес, заменик јавен правобранител, за сторено кривично дело „злоупотреба на службената положба и овластување“.
Н.Н. во 2003-2004 година постапувајќи по предмет за кој Основниот суд Неготино не бил месно надлежен, донел пресуда со која го усвоил тужбеното барање на тужителот „ПУП Југо Вардар“ од Неготино. Н.Н го признал правото на сопственост на недвижен имот, стекнат по претходен неоснован договор за купопродажба на имот склучен со ЈП „Електростопанство“, бидејќи имотот бил во државна сопственост. Иако знаел дека купопродажниот договор е неоснован, Н.Д. не поднел жалба на донесената пресуда и дозволил да стане правосилна. На овој начин пријавените ја оштетиле државата за 976.500 денари.
Секторот за внатрешни работи Струмица поднесе кривична пријава против Т.Т.(19), И.И.(25), двајцата од Струмица и С.С.(18), од Куманово, за сторени кривични дела „оштетување и неовластено навлегување во компјутерски систем“ и „соизвршителство“.
Од септември до октомври 2007 година Т.Т., И.И. и С.С. неовластено влегле во компјутерскиот систем на колонијалната продавница „Би-Трејд“ во село Муртино, Струмичко, сопственост на И.В.(31), овластен дилер за продажба на ваучери на Т-Мобиле. Тие извршиле 51 дополнување на повеќе телефонски броеви, оштетувајќи го И.В. за 25.000 денари.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|