|
 |
Вести / Македонија
|
|
Почнува Меѓународниот фестивал на античка драма „Стоби 2008“
Велес, 24 јули (МИА) - Седмиот Меѓународен фестивал на античка драма „Стоби 2008“ почнува вечер во 21 часот на древната античка сцена во амфитеатарот во Стоби во организација на општина Велес.
На отворањето во конкуренција за наградите ќе настапи театарот „Город“ од Долгопрудниј - Московската област од Руската Федерација со претставата „Лисицата и грозјето од Езоп“ со антички мотиви во режија на Јуриј Соловјев.
На отворањето на Фестивалот на античката драма „Стоби 2008“ ќе настапи и музичката група „Љубојно“. Во конкуренција за една од наградите на 26 јули ќе настапи и Културниот центар „Скрб и утеха“ од Скопје во соработка со Народниот театар Јован Хаџи Константинов - Џинот од Велес со претставата „За секогаш љубов“ по текст на „Сердарот“ од Прличев и на Т.Стојановски, а во режија на Јане Попов.
Истата вечер, надвор од конкуренција ќе биде изведен и самостојниот проект „Филип Втори“ на Петре Темелковски.
Фестивалот ќе продолжи на 28 јули, кога ќе биде прикажана претставата „Лисистрата на театарот Кабакчиев“ од Казанлак - Бугарија. Надвор од конкуренција на затворањето на Фестивалот на 30 јули ќе биде изведена претставата „Бегалка“ од Народниот театар од Штип.
На затворањето ќе бидат доделени и наградите на фестивалот Гран при за најдобра претстава, за најдобра режија и за најдобра машка и женска улога, а на наградените ќе им бидат доделени и статуетка со божицата Афродита.
Претседател на жирито е актерката Јоана Поповска, а членови Зоја Бузалковска и Ивица Џепаровски. Фестивалот финансиски го поддржаа Министерството за култура, Амбасадата на Кралството Холандија и општината Велес. Организаторот обезбеди бесплатен превоз до Стоби, а влезот е бесплатен.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|