|
 |
|
Вести / Македонија
|
|
Министерот Еленовски го посети Полкот за специјални операции
Скопје, 24 јули (МИА) - Министерот за одбрана Лазар Еленовски денеска, на негова иницијатива, во скопската касарна „Илинден“ го посети Полкот за специјални операции, при што на 10 војници им додели монети во знак на заслуга и благодарност за нивниот придонес на патот на Република Македонија до НАТО.
Еленовски потенцира дека Полкот за специјални операции даде најголем придонес на патот на Република Макеоднија кон членство во НАТО, преку постојаното учество во мировните операции, во кои се потврди нивната подготвеност и професионалност.
- Ако некој придонел за нашиот пат кон НАТО интеграцијата, тоа е АРМ, особено мировниците, со кои Македонија го изгради својот највисок рејтинг и интегритет во Алијансата, но и во другите меѓународни организации, изјави Еленовски по средбата со припадниците на единицата.
До Министерството за одбрана се уште нема пристигнато одговор и на второто писмо упатено до високиот претставник на ЕУ за заедничка надворешна политика и безбедност Хавиер Солана, во кое се бара и официјално поништување на наредбата за промена на ознаката МКД од униформите на македонските мировници во мисијата во Босна и Херцеговина.
- Очекуваме високиот претставник на ЕУ да одговори на соодветен начин без разлика дали тоа ќе биде со писмо или со конкретна реакција на теренот и отповикување на наредбата, им изјави денеска на новинарите во касарната „Илинден“ министерот за одбрана Лазар Еленовски.
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|