|
 |
Вести / Македонија
Црвенковски реагира на написи во врска со неговата имотна состојба
 Во врска со последните написи во одредени медиуми за проверката на имотната состојба на Претседателот на Република Македонија Бранко Црвенковски и неговото семејство од страна на Управата за јавни приходи, Кабинетот на Претседателот ја доставува следнава реакција:
Не се точни информациите дека оваа постапка е стара од пред две години, бидејќи информациите кои ги добивме и дописите кои УЈП ги достави до банките, штедилниците и единиците на локалната самоуправа за испитување на имотот и имотната состојба на Претседателот и неговото семејство датираат од почетокот на месец јули. Прашуваме дали станува збор за нова постапка или во спротивно, Управата нека не извести дали континуирано води една иста постапка изминативе две години.
Кабинетот на Претседателот на Република Македонија останува на ставот дека сме цврсто убедени за постоење на намера и тенденција за политичка дисквалификација на Претседателот Црвенковски и дека оваа постапка е политички мотивирана и селективна. Затоа, инсистираме УЈП да не извести дали ваква постапка се води и за премиерот и за министрите во Владата.
Изненадени сме од аматеризмот кој го покажува УЈП, ако се земе во предвид фактот дека за спроведувањето на оваа постапка се ангажирани голем број на луѓе и на средства на даночните обврзници со цел да се прават проверки и во другите поранешни југословенски републики, а со што се бламира државата.
Управата, според владини извори, кои се цитирани во еден дневен весник, вршела проверка на имот на лице, кое не е сопругата на Претседателот Црвенковски, односно на одредена жена Јасмина Пулсевиќ, која потекнува од општина Ново Место, Република Словенија и чии родители живеат таму. За да и помогнеме во проверката, ја информираме УЈП дека моминско презиме на г-ѓа Јасмина Црвенковска е Димитровска и нејзините родители не живеат во Република Словенија.
Кабинет на Претседателот на Република Македонија
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|