|
 |
Вести / Македонија
Атина ќе се жали во ИОК ако на ЛОИ2008 се користат имињата Македонија и Македонци
 Пекинг, 8 август (МИА) - Атина ќе побара итна интервенција од страна на Меѓународниот олимписки комитет (ИОК), ако македонските спортисти на отворањето на Олимпоските игри во Пекинг дефилираат под името Македонија, изјава денеска во кинескиот главен град грчкиот министер за надворешни работи Дора Бакојани.
- Ќе ги преземеме сите неопходни активности на политичко и на спортско ниво, доколку Скопје не ги почитува барањата и не се придржува кон нив, изјави Бакојани.
Како што јави АНА-МПА, според Бакојани, обидите за употреба на називите Македонија и Макеоднци при официјалното претставување на македонските спортисти и во официјалните документи и на интернет страницата на Олимписките игри, претставуваат провокација.
Владата и Олимпискиот комитет на Грција вчера упатија протест до Организацискиот комитет на Летните олимписки игри, што започнуваат денеска во Пекинг, поради користењето на зборовите Македонија и Македонци при официјалното претставување на спортистите од Република Македонија, како и во текстови објавени на интернет страницата на Олимпијадата.
Бакојани, како што јавуваат грчките медиуми, изјавила дека Македонија треба да биде нарекувана со името под кое е регистрирана во ОН, како што било и на претходните олимпијади во Атина и во Сиднеј.
Со слична реакција излезе и претседателот на Грчкиот олимписки комитет Минос Киријакос, барајќи ИОК да не го користи името Република Македонија, туку „ПЈРМ“.
Атина, како што посочуваат грчките медиуми, очекува таквите „пропусти“ на организаторот на Олимпијадата во Пекинг да бидат корегирани.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|