|
 |
Вести / Македонија
Груевски од Нимиц очекува подобар предлог за името
 Охрид, 8 август (МИА) - На медијаторот во спорот за името Метју Нимиц јасно му е посочено во кои насоки може да се размислува, изјави премиерот Никола Груевски во Охрид во врска со шпекулациите во грчките медиуми дека на наредната средба меѓународниот посредник ќе го предложи името „Нова Демократска Република Македонија“.
- Доколку даде сличен предлог на него, ќе помине како што помина и последниот пат, рече премиерот Груевски кој денеска присуствуваше на поставувањето камен темелник на зграда во охридската населба Расадник.
Тој изрази надеж дека Нимиц ќе даде далеку подобар предлог од последниот.
За тоа зошто нема македонски државни претставници на Олимписките игри во Пекинг, Груевски со став дека тие не се настан што е задолжителен за присуство на политичарите.
- Во овој период имам доволно обврски и натрупани работи што треба да ги решавам, работи што ги одложувам, а овој период е добра шанса да ги завршам...Ние имаме редовни средби со многу владини претставници, Европската народна партија четири пати годишно прави самити, на секои три месеци редовно се сретнувам со 20 премиери, а имам и други билатерални средби, така што имам доволно можности да го искажам тоа што е важно за Република Македонија. Нашата борба е на сите фронтови, присуствуваме насекаде каде што можеме да стигнеме, рече премиерот Никола Груевски.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|