|
 |
Вести / Македонија
Прилеп одбележа седум години од масакрот кај Карпалак
Прилеп, 8 август (МИА) - Во Прилеп денеска беа одбележани седум години од масакрот кај Карпалак кога загинаа десет бранители од овој град. Беше положено цвеќе на нивните вечни почивалишта на градските и ромските гробишта, се одржа панихида во Црквата Свето Благовештение, а пред споменикот во центарот на градот се поклонија бројни делгации на семејствата на загинатите, на преживеаните од Карпалак, делегација од Владата предводена од вицепремиерот за евроинтеграции Ивица Боцески и министерот за транспорт и врски Миле Јанакиески, од Министерството за одбрана, од АРМ, локалната самоуправа, на здруженија и граѓани.
Вицепремиерот Боцески рече дека секој ќе памети каде беше кога стигнаа вестите за Вејце, Карпалак, Љуботенски Бачила. - Секој ќе памети каде беше кога Република Македонија ги праќаше своите синови таму каде се бранеше македонскиот суверенитет и интегритет Денеска најтажни се спомените и незацелени се раните на семејствата на Сашо Китаноски, Нане Наумоски, Бранко Секулоски, Веби Рушитоски, Ердован Шабаноски, за Дарко Вељаноски, Горан Миноски, Љубе Грујоски, Пецо Секулоски и на Марко Деспотоски - 10-те прилепски бранители кои пред седум години заминаа да ја бранат татковината, но не се вратија, рече тој.
Градоначалникот на Прилеп Марјан Ристески побара да се откријат и да се дознаат имињата на сторителите и да се изведат пред лицето на правдата.
- За бранителите и преживеаните од Карпалак не може и не смее да се заборави крвавиот настан. Со никакви пари не се плаќа честа, достоинството и одбраната на татковината. Тоа не смеат да го заборават надлежните од кои бараме да добиемне статус на борци, рече Гоце Конески од Здружението „Карпалак“.
Вицепремиерот Боцевски рече дека државата ќе продолжи да презема се што е во нејзина можност за бранителите и за семејствата на загинатите.
- Сите досегашни пропусти ќе се процесуираат во системот за повеќето институции да дадат максимален одговор на барањата на роднините и на припадниците на одбранбените сили. Владата ќе ги разгледа сите предложени решенија за да даде соодветен одговор, истакна Боцевски.
Во рамките на денешните чествувања за споменот на десеттемина загинати прилепски бранители и по повод денешниот верски празник Света Петка, во населбата Точила е поставен камен-темелник за изградба на нова црква со придонес на граѓаните. Од лани во Прилеп се преименувани 10 улици кои сега ги носат имињата на загинатите бранители.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|