|
 |
Вести / Македонија
|
|
Шести фестивал на пивото во Прилеп
Прилеп, 27 август (МИА) - Во центарот на Прилеп утревечер почнува Шестиот фестивал на пивото во организација на локалната самоуправа, Фондацијата за развој и агенцијата Преда - Пелагонија.
За време на Фестивалот кој трае до недела, дегустација на пивото ќе понудат големите домашни пиварници - прилепска и скопска, а ќе го има лашкото пиво. По тој повод се издадени 20 локации на 2.350 метри квадратни.
- Очекуваме околу 50 илјади посетители и да се испијат близу 70 тони пиво како во најдобрите изданија на Фестивалот. В сабота попладне се поканети претставници на Владата и на дипломатскиот кор да го посетат Фестивалот, вели Катерина Крстеска, портпарол на локалната самоуправа.
На трите фестивалски ноќи се очекува во забавниот дел да учествуваат познати имиња од македонската музичка естрада.
- Обезбедувањето ќе биде на ниво. Учесниците ќе се грижат за издавањето фискални сметки, но и за тоа да не точат пиво на малолетници, вели Борче Јанкулоски од Агенцијата Преда Пелагонија.
Во пресрет на отворањето на Фестивалот, хотелиерите нудат за 20 отсто пониски цени за сместување, превоз до штандовите и до културните споменици во Прилеп.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|