|
 |
Вести / Македонија
|
|
Македонија и Украина ќе ја интензивираат културната соработка
Скопје, 29 август (МИА) - Македонија и Украина ќе ја интензивираат постојната добра соработка во областа на културата, договорено е на официјалната средба вчера во Киев, Украина, меѓу министерот за култура, Елизабета Канческа Милевска и нејзиниот украински колега-министерот за култура и туризам Васил Вовкун.
Како што соопшти денеска македонското Министерство за култура, двајцата министри договирле на крајот од оваа година или на почетокот на 2009, во Украина да се одржат Денови на македонска култура, а во втората половина од идната година и Украина да ја претстави својата култура во Македонија.
На средбата министерот Милевска ги претстави капиталните проекти кои ги работи Министерството за култура, притоа истакнувајќи дека Македонија преку инвестирањето во културата за која издвојува значаен процент од државниот буџет, се вклучува во европскиот културен простор. Украинскиот министер Вовкун пак, ја изрази својата заинтересираност за соработка во областа на дигитализацијата на културно-историското наследство.
На средбата присуствуваше и македонскиот амбасадор во Украина, Илија Исајловски со чија помош македонското Министерство за култура стапи во контакт со Музејот на восочни фигури во Киев, а Милевска, меѓу другото се сретна и со Анатолиј Гајдамака, уметник чие студио ќе биде вклучено во изработката на фигурите во музејскиот комплекс „Музеј на ВМРО и Музеј на жртвите од комунизмот“.
Македонија и Украина имаат континуирана соработка на полето на културата, со заеднички заложби и интерес тие да се интензивираат. По потпишувањето на Спогодбата за соработка во областа на образованието, науката и културата се отворија нови можности за динамизирање на активностите во оваа област. Во 2007 година украинскиот балет го отвори реномираниот фестивал Охридско лето со балетот Спартак. Во тек е проект за подигање споменик во Скопје на познатиот украински поет, Тарас Шевченко, во соработка со Министерството за култура на Република Македонија.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|