|
 |
Вести / Македонија
Еленовски избран за претседател на Евроатлантскиот совет на РМ
 Скопје, 29 август (МИА) - Поранешниот министер за одбрана Лазар Еленовски, едногласно е избран за претседател на Евро-атлантскиот совет на Македонија на годишното собрание одржано на 27 август.
Еленовски и претходно го водеше Евро-атлантскиот совет, прво во периодот 2001 – 2005 како негов генерален секретар, а потоа во 2005 – 2006 година и како претседател.
Покрај новоизбраниот претседател беа направени и измени во составот на членовите на претседателството на Евро-атлантскиот совет. За нови членови беа избрани Вилма Трајковска, претседател на Фондацијата „Борис Трајковски“, Сулејман Рушити, пратеник во Собранието на РМ од редовите на ДПА и поранешен министер за образование и наука, Билјана Радева од Министерство за одбрана и Лирие Елези од Министерство за локална самоуправа.
Собранието на Евро-атлантскиот совет донесе одлука да објави Декларација за евро-атлантските интегративни процеси на Македонија и важноста на НАТО и ЕУ членството на земјата како приоритет за нејзината иднина и предуслов за градење стабилни демократски вредности. Тоа ќе претставува платформа за активностите во наредниот период, соопштува македонскиот Евро-атлантски совет.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|