|
 |
Вести / Македонија
Локализиран пожарот кај селата Удово и Градец
 Скопје, 5 септември (МИА) - Пожарот што вчера попладне го зафати регионот помеѓу селата Удово и Градец, на десната страна од автопатот Гевгелија-Скопје, од синоќа е ставен под контрола.
Како што соопшти Центарот за управување со кризи, гореле околу два хектара нискостеблеста деградирана шума, а во гаснењето на пожарот, кој брзо се ширел поради ветерот, учествувале екипи на територијалните противпожарни единици од Валандово и Струмица, ЈП „Македонски шуми“ од Валандово, а во вечерните часови и два хеликоптера на АРМ.
Во раните утрински часови на теренот се упатени мобилизирани екипи од Дирекцијата за заштита и спасување од Радовиш, Струмица и Валандово и од ЈП „Македонски шуми“.
Вчера попладне забележан е чад и над гостиварското село Равен. Екипа од ЈП „Македонски шуми“ заминала на теренот, но се повлекла поради непристапност. Во утринските часови се испратени нови екипи за гаснење на огнот.
Шумски пожар вчера е забележан и на потегот помеѓу селата Турје, Охридско и Јудово и Малкоец, Кичевско, во близина на превојот Пресека. Горела сува трева и ниски растенија. Во гаснењето на пожарот учествувале лица од шумските стопанства „Галичица“ од Охрид и „Лопушник“ од Кичево. Пожарот во вечерните часови е ставен под контрола, но поради тешко пристапниот терен не е целосно изгаснат.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|