Битолчанецот Љупчо Петровски награден на филмски фестивал во Србија
Битола, 5 септември (МИА) - Битолчанецот Љупчо Петровски, како единствен претставник од Македонија ја освои наградата „Сребрен сончоглед“ на 38. Меѓународен фестивал на аматерскиот видеофилм што се одржа во Омољица, близу Панчево во Србија.
- Годинава тема на фестивалот беше животот на село, а јас се претставив со филмот ,,Нашето сегашно минато“, кој го снимав на неколку локации во битолскиот дел на Мариово, изјави за МИА Љупчо Петровски.
Покрај втората награда од стручното жири, Петровски доби и награда „Златен сончоглед“ за монтажа. Како член на киноклубот „Милтон Манаки“, Петровски наскоро ќе учествува на натпревари за аматерски филм во Хрватска, Словенија и во Бугарија.
|