|
 |
Вести / Македонија
|
|
Третоодделенците во Куманово можат да учат ромски јазик како изборен предмет
Куманово, 5 септември (МИА) - Од оваа учебна година третоодделенците од ромската етничка заедница во Куманово може да изберат ромски јазик и да го изучуваат до крајот на деветолетката. Покрај ромскиот јазик и литература, во рамките на предеметот учениците може да се запознаат и со ромската култура, традиција и историја.
- Имаме четири професори кои се подготвени да предаваат ромски јазик. - Ние од невладиниот скетор, преку средби со родители и ученици, пропагираме бројот на заинтересирани ученици да биде што е можно поголем, изјави Ахмет Јашараовски, претседетал на ДРОМ.
Учениците Роми во Куманово се запишани во пет основни училишта. Засега одѕвиот не е голем, но од невладиниот сектор очекуваат заинтересираноста да се зголеми. Краен рок за пријавување за овој изборен предмет е 9 септември.
Можност за изборен предмет на својот мајчин јазик имаат и ученицие од влашката и од бошњачката етничка заедница.
Во училиштето за основно музичко образование „Панче Пешев“ во Куманово во тек се уписите за учебната 2008/2009 година. Досега се запишале 200 ученици, а се примаат 290.
- Учениците може да избираат пијано, хармоника, виолина, гитара, кларинет и соло-пеење, кое како насока функционира од минатата година и веќе има 15 запишани ученици, информираше Светлана Трајковска, директорка на училиштето. Најголем интерес учениците покажале за насоката пијано.
Според надлежните, училиштето располага со доволен број инструменти и училиници за да ги задоволи стандардите за музичко образование. Учебната година ќе почне на 10 септемрви, а новина е што годинава и музичкото основно образование трае девет години. Минималната возарст на која учениците може да се запишуваат е шест години.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|