Карванот против производство и употреба на касетни бомби „Ban BUS“ во Скопје
Скопје, 6 октомври (МИА) - Карванот за забрана на производство, употреба и складирањето на касетни бомби „Ban BUS“, денеска престојува во Скопје. Идејата на карванот е со автобус да се посетат главните градови на 21 европска земја и да се апелира до владите да прекине употребата, производство и дистрибуција на касетни бомби.
Филип Спировски, претседател на невладината организација „Новинари за права на деца и жени и заштита на животната средина на Македонија“ на денешната прес-конференција информираше дека караванот „Ban BUS“, тргнал на први октомври од Белград, продолжува во Грција, а на трети декември ќе пристигне во Осло, каде што ќе биде и потпишувањето на документот со кој земјите членки на Обединетите нации, треба да ја потврдат забраната за употреба на касетните бомби.
Тој посочи дека иако во Македонија не се произведуваат касетни бомби, сепак, треба да го потпише тој документ, бидејќи, како што рече, земја претставува зона низ која се транспортираат.
Според Џон Ростед, член на карванот, главниот акцент на кампањата е правниот аспект, односно да се стави забрана на производството на касетните бомби. Ростед додаде дека последиците од нив се чуствуваат и по употребата, а чистењето е процес кој трае од осум до десет години.
На плоштадот „Македонија“ беа изложени фотографии на кои беа прикажани последиците предизвикани од касетните бомби и се собираа потписи за поддршка на иницијативата за нивна забрана, како и приклучување на Македонија кон земјите кои ја потпишале декларацијата.
Меѓу најголемите производители на касетни бомби во светот се САД, Кина, Грција, Турција и Србија.
|