|
 |
Вести / Македонија
|
|
Министерот Јанакиески ги посети поплавените домови во Петралинци
Струмица, 6 октомври (МИА) - Министерот за транспорт и врски Миле Јанакиески и заменик министерот за земјоделство, шумарство и водостопанство Кристијан Делев денеска ги посетија поплавените куќи и ниви во атарот на селото Петралинци во општина Босилово.
Тие беа информирани дека по вчерашниот пороен дожд 50 куќи во Петралинци и 150 до 200 декари посеви под зелка, корнишони, домати, пченка и фуражни култури осамнаа под вода, а поради неичистената локална и регонална каналска мрежа на некои места водата сеуште не е повелечена од домовите и нивите.
Општинската комисија за проценка на штети денеска излезе на самото место и по направениот увид излезе со официјален извештај за последиците од поплавата.
- Владата на утрешната седница ќе ја разгледа ситуацијата и ќе оцени какви мерки треба да се преземат за евентуален надоместок на штетите, но уште повеќе за спречување на вакви поплави во иднина. Од страна на општина Босилово за оваа година има доставено проект до Министерството за чистење на каналите во ова подрачје, но истиот не е ставен на листата на приоритетни проекти. Проблемот не е во примарните, туку во секундарните канали кои се затрупани со земјоделски отпад, а на едно место дури има и пренасочување на еден канал. Утре од Водостопанство на Македонија ќе дојдат стручни лица со цел да се утврди фактичката состојба и овие канали повторно да се стават во функција, изјави заменик министерот за земјоделство, шумарство и водостопанство Кристијан Делев.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|