|
 |
Вести / Македонија
|
|
Боцевски: Признавањето на Косово ќе се темели на нашите национални и државни интереси
Тетово, 6 октомври (МИА) - Секоја одлука за статусот на Косово ќе се темели на нашите национални и државни интереси, истакна вицепремиерот Ивица Боцевски денеска во Тетово.
- Владата на Република Македонија мошне сериозно, претпазливо и внимателно го разгледува развојот на настаните кои се поврзани со статусот на Косово и секоја одлука ќе се темели на нашите национални и државни интереси како и се разбира димензијата во однос на нашите европски и нато интеграции, рече Боцевски.
Според него, тоа што ја разликува нашата од другите земји во регионот е тоа што нашата надворешна политика беше секогаш мирољубива и рационална.
- Никогаш немавме ниту личини, ниту партиски истрчувања и секогаш се работеше за државни интереси и така ќе постапуваме и во овој случај без разлика што имаме разноразни повици во овој период, рече Боцевски.
Тој истакна дека групата за демаркација сериозно ја работи работата и процесот се одвива непречено.
На новинарско прашање дали Македонија може да остане надвор од евроинтегративните процеси Боцевски истакна дека Македонија неможе да остане надвор од интеграциите.
- Македонија е земја во Европа, Македонија е земја чие природно право е да биде член на ЕУ и НАТО и македонската приказната ќе се заокружи во оној момент кога таа ќе биде во семејството на западните нации каде што ни е местото, рече Боцевски.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|