Писателот Разме Кумбароски добитник на наградата „Патишта на културата во новиот милениум“Скопје, 10 октомври (МИА) - Македонскиот писател Разме Кумбароски од Струга е добитник на наградата и повелбата „Патишта на културата во новиот милениум“ што секоја година ја доделува Задужбината „Петар Кочиќ“ од Бања Лука, Босна и Херцеговина. Наградата им се доделува на лица кои придонеле за афирамција на народите и културите од целиот свет.
Наградата на Кумбароски ќе му биде врачена на 21 октомври, на отворањето на Белградскиот саем на книгата. Кумбароски е основач и прв претседател на манифестацијата „Млада Струга“ и на Медитеранската академија „Браќа Миладиновци“ во Струга. Тој е почесен член на Кипарската академија „Кибатек“. Неговото дело е преведено и објавено на повеќе светски јазици.
Кумбароски пишува поезија, романи и есеи. Автор е на 15 книги, „Вроден премин“, „Мусандра“, „Манастир“, „Троја“, „Мириси, кораби, злато“, „Чудесија“, „Потковица и зла месечина“, „По патот“, „Песни за Кипар“, избор-панорама „Поетите од Струга“.
|