Нова книга од академик Катица Ќулавкова објави „Макавеј“Скопје, 28 април (МИА) - Книгоиздателството „Макавеј“ од Скопје ја објави книгата „Задоволство во толкувањето“ од академик Катица Ќулавкова, збирка со херменевтички, есеистички и научно-критички студии. Авторката проникнува во појавите и процесите во македонската книжевност и во другите уметности и презентира обемен корпус од текстови кои имаат значајно влијание во затврднувањето на современите креативни вредности.
- Ќулавкова на посебен начин се докоснува до карактеристиките на опусот на Ацо Шопов, Матеја Матевски, Димитар Митрев, Милан Ѓурчинов, Георги Старделов, Гане Тодоровски, Божин Павловски, Луан Старова и на серија други претставници на современата македонска книжевна фаланга. Се осврнува и на уметничкиот космогониум кај сликарот Илија Пенушлиски, скулпторот Томе Серафимовски, како кон семиотичките и структуралните карактеристики на танцовата уметност и уметноста на карикатурата, соопшти издавачот „Макавеј“.
|