|
 |
|
Вести / Македонија
|
|
Потпишан Проект за придонес за намалување на климатските промени на национално ниво
Скопје, 3 јули (МИА) - Министерот за животна средина и просторно планирање, Неџати Јакупи, денеска го потпиша Проектниот документ за проектот „Ублажување на климатските промени преку подобрување на енергетската ефикасност во градежниот сектор“ со Анн Марие Али, постојан претставик на Програмата за развој на ОН (УНДП) во Република Македонија.
- Овој проект е важен чекор кон пристапот на ЕУ, односно исполнување на условите кои се важни за влез во Европската Унија, истакна Јакупи.
Вредноста на донацијата е 350.000 евра, со домашно учество од 10.000 евра во текот на наредните две години.
- Главната цел на проектот е да придонесе да се создадат соодветни услови за подобрување енергетска ефикасност во градежниот сектор и со тоа да се придонесе за намалување на климатските промени на национално ниво, истакна Анн Марие Али.
Проектот е комплементарен со Програмата за енергетска ефикасност на Министерството за економија, финансиран преку Австриската агенција за развој и неговите цели се надополнуваат со тие на поголемата програма.
Меѓу другото, проектот ќе развие мапа со детални климатски параметри која ќе биде основа во развивањето на подзаконските акти за овој сектор, ќе се направат програми за енергетска ефикасност во овој сектор за одредени пилот-општини и ќе се работи на подигнување на јавната свест за унапредување на знаењата врзани за мерките за зачувување на енергејата и животната средина.
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|