Полицијата привела две лица за кои се сомнева дека биле вмешани во вчерашното киднапирањето на деветгодишниот син на Фатмир Етеми, член на Нова Демократија.
Од Министерството за внатрешни работи велат дека се уште се разговара со приведените, за кои иако не биле во автомобилот со кој е киднапирано момчето, се сомнева дека се поврзани со грабнувањето.
МВР повеќе информации за овој случај најавува за во текот на денов.
Синот на Етеми заедно со негов другар се возеле со велосипеди во близина на паркот во Чаир, кога бил грабнат од киднаперите и со сила внесен во бел “фиат“ без регистрации.
Етеми е познат како угледен и богат човек, кој на последните локални избори беше кандидат за градоначалник на Чаир од Нова Демократија.